জীৱন তই আগবাঢ়ি যা-প্ৰদীপ চন্দ্ৰ বৰা

জীৱন তই গৈ থাক

আগুৱাই গৈ থাক 

তোৰ বুকুত যে সীমাহীন ঘাত প্ৰতিঘাত

কণ্টকাকীৰ্ণ আৰু সেন্দুৰীয়া বাট ৷

হাঁহি আৰু চকুলো 

সুখ আৰু দুখ

যন্ত্ৰণা আৰু আনন্দ

নীৰৱে সহি যা সকলো ৷

টেঙা আৰু জ্বলা

তিতা আৰু মিঠা 

ল’লি আকোঁৱালি

দিলি আগবাঢ়ি  ৷

 সততা আৰু নিষ্ঠাৰে

দায়িত্ব আৰু কৰ্তব্যৰে

যা আগুৱাই অনাগত দিনবোৰত

যা আগুৱাই খোজত খোজ মিলাই

সমাজৰ লগত।

দাবানলত দে দ’লিয়াই

দুৰ্বলতা দুৰ্যোগ দুৰ্ভাৱনা

হিংসা  অপ্ৰীতি অসূয়া ৷  

খুলি পেলা অভদ্ৰতাৰ মুখা

বাচি ল বাঞ্চনীয় সোণালী ৰেখা ৷

জীৱন যা আগুৱাই নিৰবচ্ছিনতাৰে 

ল’বলৈ ফুলৰ মালা আকুলতাৰে।
**********