নিহত মই,মূল বাংলা কবিতা: ডঃ হিমাদ্ৰি সাহা, অনুবাদ-ডুলুমণি দাস

তোমাৰ হাতত নিহত হোৱাৰ পাছতো জীয়াই আছোঁ মই,

এতিয়াও

যি ৰাতি মোক হত্যা কৰা হৈছিল

তোমাৰ মুখত লাগি আছিল 

শেৱালি ফুলৰ স্নিগ্ধ হাঁহি৷

তুমি মোক শুৱাই থৈ আহিছিলা 

সোণালী শস্যৰ পথাৰত

তোমাৰ হাতত লাগি আছিল

মোৰ সেউজীয়া ৰক্ত ৷

মোৰ হৃদপিণ্ডৰ মাজত

মোৰেই পছন্দৰ 

এটি গন্ধৰাজ ফুল  

সিঁচি দিছিলা তুমি।

সেইকাৰণেই 

মই এতিয়াও জীয়াই আছোঁ

সেয়ে পাৰা যদি মোক তুমি 

প্ৰতি ক্ষণতে হত্যা কৰা৷

প্ৰবলা হৈ

মই জীয়াই থাকিব খোজোঁ।

************