সাৱধানৰ মৰণ নাই-অনিমা বৰঠাকুৰ
পঢ়াশালিলৈ যোৱাৰ পথত
বহুত গাড়ী চলে,
স্কুলত নি থৈ আহিবা দেউতা
পাৰ হ’বলৈ ভয় লাগে।
এদিন এটা ল’ৰাই জানানে তুমি
স্কুল ছুটীৰ পাছত,
দৌৰ মাৰি সি পাৰ হৈছিল
পৰি গ’ল সি গাঁতত।
গোট খালে তাত বহুত মানুহ
ল’ৰাটোক উঠাই ল’লে,
গাড়ী এখনত উঠাই লৈ গ’ল
ডাক্তৰ খানা পালে।
ভাগ্য ভাল তাৰ একো নহ’লে
সামান্য দুখ পালে,
সেইদিনা বাচি গ’ল ল’ৰাটো
ভগৱানক ধন্যবাদ দিলে।
প্ৰতিজ্ঞা কৰিলে সেইদিনা ল’ৰাই
নকৰোঁ এনে কাম,
সাৱধান হৈ পথ পাৰ হৈ যাম
পথৰ দুয়োফালে চাম।
******
