অনুগল্প-মৃদুস্মিতা ফুকন
(১) স্বত্ব
আজি কাছাৰীৰ ৰঙা মোহৰ মৰা কাগজখনত চহীটো কৰিবলৈ দি সি মানুহজনৰ হাতখনত খামুচি ধৰিলে। এসময়ত তেওঁ যেনেকৈ আখৰ শিকাবলৈ গৈ খামুচি ধৰিছিল তাৰ কোমল হাতখন।
(২)জীৱনৰ_ৰং
ন বোৱাৰীজনীৰ বাবে শিলৰ পটাত পিহা সেউজীয়া জেতুকাৰ ৰঙচুৱা ছিটিকণি দুটামানে যেন মালতীৰ বগা কাপোৰযোৰত ফুলহে বাচি দিলে!
(৩)পৰম্পৰা
যোনিপীঠৰ ৰজোকালীন ৰক্তবস্ত্ৰ দেহত পৰিধান কৰি স্বস্তিৰ নিশ্বাস লৈ, তেওঁ গোবৰ-পানীৰে ৰজস্বলা বোৱাৰীয়েকৰ শুদ্ধিকৰণত লাগি গ’ল।
*******
5:57 PM
বৰ সুন্দৰ অনুভৱ আপোনাৰ ।
6:06 PM
বৰ ভাল লাগিল ।